Vëllai i Presidentit Bujar Nishani është larguar nga detyra e zv.prokurorit të Durrësit me urdhër të Prokurorit të Përgjithshëm, Adriatik Llalla. Struktura që drejtonte Sokol Nishani është shkrirë, sipas raportimit të gazetës ‘Panorama’.
Këshu vëllai i Presidentit nga nr.2 i prokurorisë së Durrësit mbetet prokuror i thjeshte këtij rrethi gjyqësor. Kreu i Prokurorisë Durrës, Agron Gjana firmosi urdhërin për të shkrirë strukturën që drejtonte zëvëndësi i tij, Sokol Nishani.
Nëpër portale po aludohet se shkarkimi ka lidhje me marrëdhëniet e fundit Llalla-Nishani. Duhet theksuar se Presidenti Bujar Nishani nuk bëri asnjë deklaratë mbi akuzat që ambasadori Lu lëshoi ndaj Kryeprokurorit. A mund të jetë kjo një hakmarrje e Lallës?
