Autoritetet në Republikën Domenikane kanë ekstraduar me urgjencë drejt Shqipërisë, Vilson Pepës, i arrestuar vetëm pak ditë më parë në bazë të një urdhër-arresti ndërkombëtar.
Vilson Pepa është një emër i njohur për drejtësinë shqiptare. Ai konsiderohet si anëtar i grupit kriminal që trafikonte drogë dhe që drejtohej nga Ervis Çela dhe Franc Çapja.
41 vjeçari ishte në kërkim nga SPAK lidhur me një ngarkesë prej 11 tonë kokainë, një pjesë e të cilës u kap në Roterdam, Holandë, në nëntor 2020.
Sipas të dhënave, Pepa është arrestuar në Santo Domingo dhe kishte me vete dokumente shqiptare dhe italiane. Në momentin e arrestimit atij iu gjetën 5 aparate të enkriptuara dhe para cash.
Policia e Shtetit falënderon autoritetet e Republikës Domenikane dhe autoritetet gjermane për bashkëpunimin për finalizimin e procedurave të ekstradimit të 41-vjeçarit në Shqipëri.
