Liverpool është shpallur matematikisht si skuadra kampione e Anglisë, për sezonin 2024-2025 në Premier League.
Pas një sezoni të dominuar totalisht, të kuqtë e Arne Slot ia dolën të sigurojnë trofeun, katër javë para fundit.
Liverpool u argëtua ndaj Tottenham në shtëpi, ku fitoi 5-1, për të siguruar zyrtarisht vendin e parë në renditje.
Golat e shënuar nga Diaz, Mac Allister, Gakpo, Salah dhe autogoli i Udigie, i dha suksesin Liverpoolit ndaj “Spurs”. Në fund, festa ishte legjitime, pas kanë qenë dominues nga java e para deri në të fundit.
Kur kanë mbetur edhe 4 javë për t’u luajtur, diferenca mes Liverpool (82 pikë) dhe Arsenalit (67 pikë) është plot 15 pikë.
Thyhet kështu Manchester City, që kishte fituar titullin kampion në Angli për katër vite me radhë.
