Kryetarja e Lëvizjes për Ndryshim, Jozefina Topalli ka folur këtë të premte për bashkëpunimin e partisë të saj me atë të Astrit Patozit.
Topalli në fjalën e saj ka deklaruar se ka rënë në dakord me Astrit Patozin që në zgjedhjet e 25 prillit të dalin me listë të përbashkët.
Ndër të tjera, në një intervistë në Abc news ish-kryeparlamentarja tha se beteja e zgjedhjeve të ardhshme do të jetë në Tiranë dhe pse nuk përjashtohen dhe qytetet e tjera.
“Këto parti janë krijuar për situatën në të cilën ndodhet vendi. Vetë emri i fjalës nënkupton për sjelljen e ndryshimit. Në kohë krizash ka gjithmonë një oportunitet dhe në këtë fazë mund të dalë një krizë shumë planëshe që e ka çuar vendin tonë në një udhëkryq ku asnjë prej nesh nuk e di dhe nuk jemi të sigurtë se çfarë do të ndodhë nesër.
Në politikë ka një mbizotërim dhe ai është qëndrimi i përbashkët, ne kemi rënë dakord që të dalim në një listë. Kemi një gjë të qartë që po përballemi me një situatë të deformuar kemi një qeveri që duhet të ishte shkatërruar prej kohësh dhe për shkak të kësaj qeverisje vendi jonë është boshatisur dhe kjo është drama më e madhe. Unë besoj se betejën kryesore do e bëjmë në Tiranë dhe pse nuk përjashtohen dhe qytetet e tjera”, tha Topalli./Opinion.al
