Zbardhja e listave të Partisë Demokratike për zgjedhjet e 11 majit, duket se ka lënë të ‘pakënaqur’ shumë deputetë.
Pas vendosjes në listën e hapur, dy deputete demokrate janë tërhequr nga gara për të kandiduar.
Bëhet fjalë për Oriela Nebijaj dhe Ilda Dorin, të cilat e kanë bërë publik vendimin e tyre përmes një postimi në rrjetet sociale.
Nebijaj në rrjetin social Facebook, sqaron se ka kërkuar të mos jetë në asnjë listë, as në Tiranë dhe as në Fier, ndërsa thekson se ky ishte vendim “për t’i lënë rrugë të rinjve më shumë se unë”.
Reagimi Nebijaj:
Unë kam kërkuar të mos jem në asnjë listë. As në Tiranë (në respekt të primareve) as në Fier. Sa për sqarim se dikush i ka lexuar gabim emrat. Jo si tërheqje, por si vendim për t’i lënë rrugë të rinjve dhe zonjave që e meritojnë mv shumë se unë. Jam dhe do jem me PD. Suksese ekipit tv fitores.
Ndërsa Dhori është shprehur e zhgënjyer nga lista.
Reagimi Dhori:
Sot, me bërjen publike të listave për deputete të PD, kam vetëm një fjalë që mund të përshkruaj ndjesinë e këtyre orëve: ZHGENJIM !
📌Zhgenjim për MOS pëfaqësimin e Divjakës si pjesë e listës së mbyllur, ndërkohë që vendosën në të njëjtin pozicion “DY kandidate nga nje lagje”….
📌Zhgenjim, per MOS perfaqesimin e grave nga PD, nderkohe qe, “vende” paska pasur me bollek…
📌Zhgenjim nga MOS perfaqesimi i Komunitetit Orthodoks ne Qarkun e Fierit, karakteristike e listave jo fituese te PD ne kete qark, pasi Fieri ka numrin me te madh te ketij komuniteti ne Shqiperi!
Per hir te detyrimit qe kam ndaj atyre njerezve, me mijera qe me kane besuar dhe qe duan te me besojne per ti perfaqesuar ne Parlament, dhe ne kushtet kur kjo e fundit diktohet jo nga vota meritokratike e cdo kandidati, por nga “pazaret nen rrogoz”, kam vendosur me ndergjegje te plote te terhiqem nga gara per Deputet ne listen e hapur te PD!
Eshte vendimi me i drejte qe mund te marr ne kushtet e moskonsiderimit e mosvleresimit qe me behet jo mua personalisht, por DIVJAKES dhe njerezve te saj te punes, qe kane treguar vlerat me te larta qytetare ne keto kater vite, ne mbrojtje te kauzave te drejta e vlerave!
