Një përfaqësues i minoritetit grek dhe një përfaqësues i komunitetit çam që përfaqësojnë kauza të ndryshme politike do të jenë bashkë në listën e PD-së.
Bëhet fjalë për kreun e PBDNJ-së Vangjel Dule dhe ish-deputeti i PDIU që më pas iu bashkua PD-së Dashamir Tahiri. Ky i fundit u përjashtua një herë nga Parlamenti për shkak të ligjit të dekriminalizimit, por PD ka vendosur ta rikthejë.
Dashamir Tahiri është i 5-ti në listën e Vlorës, ndërsa kreu PBDNJ Vangjel Dule ka edhe një vend më të sigurt pasi renditet i 3-ti në listë.
Dashamir Tahiri pretendon të marrë votat e komunitetit çam në Vlorë, nga ana tjetër Dule një ndër kundështarët më të fortë në parlament të çështjes came pretendon votat e minoritetit.
Ata i ndan kauza por i bashkon partia….
/Opinion.al
