Ministri i Jashtëm i Shqipërisë, Ditmir Bushati e ka quajtur vendimin e Gjykatës së Hagës që e shpall të pafajshëm Vojisllav Sheshelin, lajm të keq për drejtësinë ndërkombëtare dhe viktimat e luftërave në ish-Jugosllavi.
Bushati shkruan në profilin personal në facebook, Shesheli, njeriu që tallej me këtë institucion të rëndësishëm të drejtësisë ndërkombëtare, është tashmë i lirë të vijojë promovimin e gjuhës së urrejtjes.
“Vendimi i pafajësisë për këtë xhelat, përbën një goditje të rendë jo vetëm për besueshmërinë e Tribunalit Penal Ndërkombëtar për ish-Jugosllavinë, por edhe një mungesë respekti për viktimat dhe familjarët e tyre”, shkruan ai.
STATUSI I BUSHATIT:
Sot një lajm i keq për drejtësinë ndërkombëtare dhe viktimat e luftërave të ish-Jugosllavisë. Tribunali Penal Ndërkombëtar për ish-Jugosllavinë shpalli të pafajshëm Vojislav Sheshelin, i cili akuzohej për krime lufte dhe krime kundër njerëzimit.
Shesheli, njeriu që tallej me këtë institucion të rëndësishëm të drejtësisë ndërkombëtare, është tashmë i lirë të vijojë promovimin e gjuhës së urrejtjes.
Vendimi i pafajësisë për këtë xhelat, përbën një goditje të rendë jo vetëm për besueshmërinë e Tribunalit Penal Ndërkombëtar për ish-Jugosllavinë, por edhe një mungesë respekti për viktimat dhe familjarët e tyre.
