Një 13-vjeçare është bërë nënën për herë të parë në Greqi. E mitura ka shkuar në spital pasi kishte dhimbje barku, ndërsa nuk ishte në dijeni që priste një fëmijë.
Sipas raportimeve nga mediat greke, mësohet se e mitura ishte dërguar në spital nga prindërit e saj me dhimbje të forta barku, të cilat u cilësuan nga mjeku si probleme me kapsllëkun.
Mësohet se 13-vjeçarja dhe foshnja gëzojnë shëndet të mirë. Familjarët e të miturës kanë thënë për mediat greke se do të mbështesin plotësisht të bijën dhe foshnjen.
Përmes një deklaratë në një emision grek, babai i të miturës tha se ai dhe bashkëshortja e tij do ta rrisin fëmijën si fëmijën e tyre.
“Fëmija është shumë mirë. Do të jem edhe baba edhe gjyshi i nipit tim. Unë kam rritur katër fëmijë dhe do ta rris këtë si fëmijën tim. Unë dua që vajza ime të vazhdojë shkollimin dhe ne do të jemi pranë saj”, tha ai.
I pyetur nëse e dinin për shtatzëninë e fëmijës, ai u përgjigj:
“Nuk dinim asgjë, po ta dinim do ta kishim çuar në një klinikë të duhur për të lindur. Nuk e di nëse ajo e dinte. Kishte shtuar pak në peshë, por barku nuk i dukej dhe nuk e kishim menduar”.
Ndërkohë 13-vjeçarja i është nënshtruar një radiografie për të parë nëse ka ndonjë komplikacion dhe në mungesë të mjekut gjinekolog është transferuar në spitalin e Siros ku mësohet se po merr ndihmë mjekësore bashkë më foshnjën e saj./Opinion.al
