Një person ka mbetur i vdekur në Lezhë, pasi është përplasur qëllimisht me makinë nga një 32-vjeçar.
Mësohet se viktima dhe autori,më herët kishin pasur një debat mes tyre, kjo ka bërë që 32-vjeçari të përplas me makinë për vdekje Y.M., i cili ndërroi jetë në spital.
Nga të dhënat, bëhet me dije se viktima ka qenë martuar me të motrën e autorit, ndërsa ishin ndarë pak kohë më parë. Ky dyshohet të jetë dhe shkaku i konfliktit mes tyre.
Ndërkohë, policia njofton se është duke punuar për kapjen e autorit, si dhe për zbulimin e rrethanave të plota të ngjarjes.
Njoftimi i policisë
Në vijim të informacionit paraprak, ku rreth orës 08:30, një drejtues mjeti i cili ishte larguar nga vendngjarja ka aksidentuar shtetasin Y.M. që po lëvizte me biçikletë në rrugë, ju informojmë se :
Në përfundim të veprimeve hetimore ka rezultuar se autor i dyshuar është shtetasi A.K. 32 vjeç, banues në Mamurras, dhe dyshohet se e ka aksidentuar shtetasin Y.M. me dashje për shkak të një konflikti të mëparshëm mes tyre.
Shtetasi i dëmtuar Y.M. ka ndërruar jetë në spital, ndërsa autori i dyshuar shtetasi A.K. është shpallur në kërkim dhe punohet për kapjen e tij.
Materialet procedurale janë referuar pranë Prokurorisë së Rrethit Gjyqësor Lezhë për veprime të mëtejshme./ Opinion.al E.Xh.
