Aktualitet

Lezhë/ Familja jeton ende në pallatin e dëmtuar nga tërmeti


Bëhu pjesë e Grupit Zyrtar të Opinion.al
>> KËTU <<
               Publikuar në : 10:14 - 04/10/20 |
Opi Nion

Shumë familje jetojnë në kushte të vështira që pas tërmetit tragjik të 26 nëntorit. Partia Demokratike ka publikuar rastin e familjes Përndoj në Lezhë, e cila ende jeton në pallatin e dëmtuar nga tërmeti.

Tone Përndoj për shkak se ka dhe një fëmijë të sëmurë nuk ka mundur të largohet nga pallati i dëmtuar, ndërsa thotë se deri më tani nuk është ndihmuar nga institucionte për të gjetur një strehë të sigurtë.

Po ashtu, gjatë një bashkëbisedimi me ish- nënkryetaren e Bashkisë Lezhë, Alfrida Marku, ajo shprehet se ka pasur edhe diferencime mes banorëve të të njëjtit pallat.

Tone Përndoj: Unë jam Tone Përndoj. Jetoj këtu, banoj në këtë pallat. Kanë ardh e kanë parë, këtu s’kanë qënë, s’ka hyrë kush me thënë që me pa këtu inxhinierët që kanë ardh. Na patën thënë me dal me shku në Shëngjin, kam pasur një fëmijë të sëmurë edhe s’mund të shkoja. Këtu s’ka ardhë kush me pa. Kam shkuar tek Bashkia më kanë thënë ke ardh me vonesë këtu në Balldre kurse në Lezhë s’na kanë pranuar, kam shkuar e s’na ka pranuar kush. Kemi bërë një kërkesë tani e kemi çuar për në Tiranë, s’na ka kthyer kush përgjigje.

Alfrida Marku: Këtu në këtë pallatin këtu, familje të tjera kanë marrë dëmshpërblim?

Tone Përndoj: Familje të tjera kanë marrë… kanë marrë, kanë marrë!

Alfrida Marku: Me çfarë jetoni?

Tone Përndoj: Ne të ardhura s’kena për Zotin, dy fëmija janë pa punë edhe… Me më ndihmu edhe mua siç kanë ndihmuar të tjerët, të paktën mos me na nda, një po një jo. Tërmeti ka rënë barabartë, si në kat të parë si në kat të pestë. Të tjerët kanë marrë edhe ne s’kemi marrë./ Opinion.al

 

Pas