Dy persona të shpallur në kërkim për trafik droge dhe rrëmbim personi janë ndaluar nga policia e Lezhës.
Sipas njoftimit të policisë bëhet me dije se ndalimi i 25-vjeçarit K.K., banues në fshatin Barbullojë, është bërë pasi ai ishte i shpallur në kërkim dhe Gjykata e Rrethit Gjyqësor Lezhë i kishte caktuar masën e sigurisë “Arrest në burg”, për veprën penale “Prodhimi dhe shitja e narkotikëve”.
“Më datë 28.10.2020, në afërsi të një lokali në aksin rrugor Milot-Lezhë nga sherbimet e Policisë Lezhë është bërë ndalimi i një mjeti me drejtues shtetasin K.K., i cili braktisi mjetin dhe u largua. Gjatë kontrollit të mjetit, shërbimet e Policisë gjetën dhe sekuestruan 27 kg lëndë narkotike canabis sativa, si dhe arrestuan në flagrancë bashkëpunëtorët tij, shtetasi N.T .dhe Z.M”, njofton policia.
Njëkohësisht raportohet edhe ndalimi I shtetasit Filip Shtjefni, banues në Lezhë,i shpallur në kërkim pasi Gjykata e Rrethit Gjyqësor Lezhë e ka dënuar me 2 vite burg ,për vepren penale “Heqje e paligjshme e lirisë”, pasi ky shtetas në vitin 2016, ka mbajtur pa dëshirën e saj shtetasen E.M./Opinion.al
