Autoritetet e Greqisë thonë se letra-bombë që ka shpërthyer dje në zyrën e Fondit Monetar Ndërkombëtar (FMN) në Paris ishte dërguar nga Greqia.
I punësuari në zyrën e FMN-së që mori këtë letër është lënduar lehtë, ndërsa personeli tjetër u evakuua.
Ministri i rendit publik i Greqisë, Nikos Toskas, tha se letra-bombë ishte dërguar nga Greqia, në emër të ligjvënësit të njohur opozitar, Vassilis Kikilias.
Ndërsa lidhur me ngjarjen e 15 Marsit ku një letër bombë iu dërgua Ministrisë së Financave të Gjermanisë përgjegjësinë e ka marrë një grup anarkist grek.
Presidenti i Francës, Francois Hollande, tha se kishte “ngjashmëri” ndërmjet këtyre dy incidenteve.
