Drejtori i Informacionit në ABC News Armand Shkullaku ka zbardhur në emisionin “Opinion” një pjesë të letrës që Spartak Braho u ka dërguar institucioneve më të larta shtetërore, në lidhje me komplotin që po i bëhet kryetarit të Kuvendit dhe të LSI-së, Ilir Meta. Sipas letrës, ka një skenar të mirëfilltë që synon goditjen e Metës, me qëllim destabilitetin e vendit. Ku në skenar janë të përfshirë emra konkretë deputetësh të cilët njihen si grupi i Durim Bamit por edhe emra të tjerë ende të konfirmuar të cilën gjenden në letër, të cilët i kanë kërkuar Kastriot Ismailajt në burg që të shesë Ilir Metën. Madje sipas letrës, këta njerëz i kanë thënë Kastriot Ismailajt që kanë mbështetjen e kryeministrit Rama, kryetarit të opozitës Lulzim Basha dhe faktorit ndërkombëtar kryesisht Shteteve të Bashkuara të Amerikës. Po kështu gjithmonë sipas letrës të zbardhur nga gazetari Shkullaku, ky grup i ka premtuar bashkëshortes së Kastriot Ismailaj para dhe strehim jashtë vendit nëse Kastriot Ismailaj vendos të dëshmojë kundër Ilir Metës.
