Mjaftoi një gjest gëzimi i Granit Xhakës në ndeshjen përballë Serbisë, që miliona shqiptarë në rrjetet sociale ta konsideronin një sfidë të tyre takimin Zvicër – Serbi në botërorin e këtij viti.
Festa kulmoi me një gol të dytë të Xherdan Shaqirit që gjithashtu zgjodhi të njëjtën mënyrë festimi, ndërkohë që mediat serbe e konsideruan këtë gjest provokim.
Nuk mendoi kështu FIFA, që megjithatë vendosi t’i dënojë me gjobë dy futbollistët shqiptarë Xhaka e Shaqiri si dhe futbollistin zviceran Lichtsteiner për shkelje të ë kodit disiplinor të FIFA.
Ky vendim, nxitit shqiptarët të ndërmarrin aksionin “Mos kini frikë nga Shqiponja”, i cili i mbështetur edhe nga Kryeministri Rama, përmes numrit të Llogarisë në Raiffeisen Bank, arriti të mbledhë 25 mijë frangat zvicerane për të shlyer gjobën e tre futbollistëve.
Por, këtë dashamirësi shqiptare, Xhaka e Shaqiri kanë vendosur ta shpërblejnë ndryshe.
Ata do të paguajnë vetë gjobën e vendosur dhe do të dhurojnë për tre fëmijë në Kosovë, Shqipëri e Zvicër, shumën e mbledhur nga donacionet.
Përfitues i këtij dhurimi në Shqipëri është 8-vjeçari Olsi varfis, nga fshati Kalivaçi i Tepelenës.
I shtruar prej muajit tetor në Qendrën Spitalore Universitare Nën Tereza, vazhdon të trajtohet me kimioterapi në pavijonin e hematologjisë, ndërsa ka humbur tashmë njërin prej sy për çka të një retinoblastome.
I ndrojtur, shpesh dhe nervoz, pranë Olsit gjendja gjyshja e tij Faike, e cila me lot në sy tregon dhimbjen e madhe për nipin në një histori të trishtë zënë fill disa vite më parë.
Ndonëse ditët e tyre më shumë i kalojnë në spital, se sa në shtëpi, ndonëse ndjehet e dërrmuar nga dhimbja dhe lotët e të nipit, gjyshja Faike nuk i humbet shpresat, teksa ende beson se Zoti do të bëjë më të mirën për nipin e saj.
Ajo beson dhe shpreson, se tashmë falë ndihmës, Olsi do mundet sërish të marrë çantën e shkollës, që i ka mbetur varur në shtëpi.
Edhe Kosova ka përzgjedhur tashmë përfituesin e kësaj ndihme, përmes bashkëpunimit me Klan Kosova./Përgatiti- Manjola Bregasi
