Aktualitet

Largohet nga LSI, kush është deputetja që i bashkohet PS


Bëhu pjesë e Grupit Zyrtar të Opinion.al
>> KËTU <<
               Publikuar në : 14:16 - 24/01/21 |
Doriana Çepunaj

Ministri i Brendshëm, Bledi Çuçi, përmes një njoftimi në rrjetin social “Facebook”, bën me dije se një tjetër ish-deputete është larguar nga LSI dhe i është bashkuar Partisë Socialiste.

Mësohet se është ish-deputetja e LSI në Tepelenë, Ediola Braha, e cila tashmë ka vendosur t’i bashkohet PS-së.

Më tej, Çuçi shkruan se LSI po shkon drejt “shkërmoqjes” totale dhe më 25 prill do të marrë goditjen finale

“Skuadrës fantastike të Partisë Socialiste në Tepelenë iu bashkua edhe deputetja e LSI-së, Ediola Braha. S’ka më asnjë dyshim se partia që kryetari i opozitës e ka quajtur “SHPK-ja e tregtarit të Venedikut”, po shkon drejt shkërmoqjes totale dhe më 25 prill do të marrë goditjen finale. Angazhimi me LSI-në dhe vota për këtë parti është një mundësi e çuar dëm. Kaq gjë shqiptarët e kanë të qartë dhe do ta dëshmojnë me votë. Partia Socialiste është e vetmja e mirë që ka sot politika shqiptare. Në këto zgjedhje nuk diskutohet thjesht mandati jonë i tretë, por jemi në një betejë mes të ardhmes dhe të shkuarës. Ata janë e shkuara e rrëmujës dhe e rrënimit që nuk meritojnë më besim”, shkruan Çuçi./Opinion.al

Pas