Kreytari i Partisë Demokratike Lulzim Basha e ka marrë lajmin për shkarkimin e Çakos gjatë një deklarate për gazetarët. I pyetur prej tyre se çfare mendonte lidhur me këtë çështje Basha u shpreh se ky ishte një hap i vonuar.
“Informacionin po e marr nga ju. Natyrisht nëse është i vërtetë, është një hap tejet i vonuar, është një tjetër tregues i krizës së thellë në të cilën e ka zhytur krimi institucionin e Policisë së Shtetit. Por pa dyshim që Haki Çako është, siç ishte një kokë turku, sepse kupola e drogës drejtohet nga Edi Rama, nga Saimir Tahiri, siç e di e gjithë bota dhe nga Fatmir Xhafaj, lidhjet e të cilit me botën e drogës janë të ditura si këndej edhe andej detit.”.- u shpreh Basha
