Fluksi i madh i shqiptarëve që largohen nga vendi pas përfundimit të festave të fundvitit ka vijuar edhe ditën e sotme.
Në të gjitha doganat është krijuar rradhë nëpër sportele, duke detyruar punojësit që të punojnë me procedura të përshpejtuara.
Në pikën kufitare të Morinës, kthimi i emigrantëve nga Kosova ka krijuar radhë të gjata në doganë, ku rreth 10 mijë persona me 5 mijë automjeteve kanë hyrë në Shqipëri në 48 orët e fundit.
E njëjtë situata është reflektuar edhe në doganën e Kapshticës, në të cilën ditën e djeshme kanë hyrë 3125 persona dhe kanë dalë 5274 të tjerë, ndërsa në doganën e Qafë-Thanës kanë hyrë 3210 persona dhe kanë dalë 3138 te tjerë.
Në Kakavijë nga ora 01:00 deri në 08:00 janë larguar drejt Greqisë 3120 persona, ndërsa kanë ardhur në Shqipëri 890 persona./Opinion.al
