Bota

Largimi i amerikanëve nga Afganistani, vriten më shumë se 100 talibanë


Bëhu pjesë e Grupit Zyrtar të Opinion.al
>> KËTU <<
               Publikuar në : 23:55 - 02/05/21 |
Opi Nion

Më shumë se 100 kryengritës janë vrarë në 24 orët e fundit në luftime midis forcave qeveritare dhe Talibanëve, tha Ministria Afgane e Mbrojtjes të Dielën ndërsa trupat amerikane filluan procesin e tërheqjes nga vendi.

Talibanët dhe ushtria afgane janë përplasur në disa provinca, përfshirë Kandahar, një ish-bastion i rebelëve. Në atë zonë, ushtria amerikane kreu një “goditje precize” të Shtunën, pasi filloi tërheqja përfundimtare e Amerikanëve nga Afganistani.

Pesëdhjetë e dy luftëtarë talebanë u plagosën në përleshjet, sipas ministrisë, e cila nuk specifikoi sa trupa afgane ishin vrarë.

Nga ana tjetër, Talibanët nuk komentuan për luftimet. Sidoqoftë dihet mirë që të dy palët i ekzagjerojnë humbjet që pësojnë në njëra-tjetrën. Luftimet kanë vazhduar të pandërprera gjatë muajve të fundit pasi përpjekjet për t’i dhënë fund një konflikti që ka zgjatur më shumë se 20 vjet kanë dështuar.

Ushtria amerikane tha të shtunën se një nga bazat e saj në aeroportin e Kandaharit u sulmua, por pa shkaktuar ndonjë dëm.

Sulmi për të cilin nuk ka pasur asnjë përgjegjësi për momentin, pasoi akuzat e Talibanëve kundër Uashingtonit se ai shkel marrëveshjen që kishte nënshkruar vitin e kaluar në lidhje me tërheqjen e forcave amerikane para 1 majit.

Tërheqja e 2,500 trupave amerikane të stacionuara aktualisht në Afganistan pritet të përfundojë përpara 20 vjetorit të 11 shtatorit 2001./Opinion.al

Pas