Kreu i Partisë së Lirisë, Ilir Meta ka dalë në një konferencë për mediat, këtë të enjte ku është pyetur nga gazetarët ndër të tjera edhe për largimin e Agron Çelës nga Partia e lirisë. Meta e cilesoi largimin e deputetit si një lajm të vjetër ndërsa u shpreh i bindur se Rilindja në Shkodër mori përgjigje në zgjedhjet e pjessëshme të 6 Majit dhe do të marrë edhe në zgjedhjet e 14 Majit.
“Lajme të vjetra. Pavarësisht se të gjithë ishin bashkë në 6 mars, Sali Berisha i shqepi fare. Mos u merrni me lajme të vjetra, por me të reja. Askush nuk na shmang nga fitorja. Në Tiranë, Elbasan e padyshim anë e mbanë Shqipërisë. Rilindja do ketë zero mundësi për të njollosur Shkodrën dhe shkodranët, E kanë shndërruar Shkodrën në një fshat të braktisur. Ia ka hequr të gjithë investimet. Mori përgjigje në 6 mars, do të marrë akoma në 14 maj. Flamuri i Partisë së Lirisë do të vendoset akoma më lart, edhe dy kate më lartë”, tha Meta.
