Prej një jave, gjysma e zonës së Laprakës deri në zonën e Zogut të Zi gjendet në mungesë të energjisë elektrike.
Opinion.al u interesua për këtë problematike pranë OSHE, që sqaron se mungesa e energjisë ka ardhur për shkak të ngarkesës në rrjet, e cila ka sjellë defekt në dy raste pranë pallateve Hawai në zonën e Laprakës.
Në reagimin e OSHE thuhet se ka nisur aktualisht një proces pune në organizimin dhe shpërndarjen e ngarkesës ne fidrat 6 dhe 9.
Në këto momente, është duke u punuar në këto fidra pranë Zogut të Zi.
Punimet do të zgjasin dy orë dhe parashikojnë t’i japë zgjidhje problemit të stakimeve pranë zonës Laprakë.
Aktualisht zonat pa drita per shkak te punimeve qe po kryhen, janë: pranë Ish Shkollës së Partise, Laprakë, rruga Pandi Dardha, rruga Mati Logoreci, rruga Vangjel Noti, në hyrje të rrugës së Durësit, Pallatet Hawai dhe Pallatet Karavani.
