Një personalitet i njohur, i mbjietuar nga Holokausti, një profesor i nderuar me çmimin Nobel dhe njeri me vlera, ndahet nga jeta. Ja si e cilëson Presidenti Amerikan Barack Obama, figurën e Eli Weisel.
“Elie Weisel ishte një nga zërat më të mëdhenj të moralit në kohën tonë dhe në shumë mënyra, vetëdija e botës. Sot, unë dhe Michele iu bashkohemi njerëzve në SHBA, Izrael dhe kudo në botë, që vajtojnë për humbjen e një njeriu të paharrueshëm. Jeta dhe forca e shembullit të tij, na nxit të jemi më të mirë. Përballë të keqes ne duhet të shfaqim aftësinë tonë për të mirën. Përballë urretjes duhet të duam. Përballë mizorisë duhet të jetojmë me pasion. Ne kurrë nuk duhet të anashkalojmë padrejtësitë dhe të jemi indiferentë ndaj vuajtjes. Imagjinoni paqen dhe drejtësinë që do të ekzistonte, nëse ne të gjithë do të kishim jetuar pak si Elie”.
