Është ndaluar ditën e sotme biznesmeni 42-vjeçar Lulzim Kulla. Ai ndodhej në një automjet tip Audi, në momentin kur është ndaluar, dhe gjatë kontrollit u zbulua se ai mbante një pasaportë false. Biznesmeni ngaShkodra, është ndaluar në pikën kufitare të Kakavijës, dhe dyshohet se me pasaportën që mbante inicialet A.D, do të udhëtonte drejtë Greqisë.
Emri i biznesmenit Lulzim Kulla është mjaft i njohur për Policinë e Shkodrës. 42-vjeçari konsiderohet si një prej “të fortëve” të qytetit dhe ka disa precedentë penalë.
Kulla konsiderohet si kreu i një grupi kriminal, që prej vitesh nënshtron tregtarët në Shkodër duke u vendosur “tarifë” të përmuajshme për garantimin e objekteve tregtare. Historia e vendosjes së gjobave për tregtarët në lagjen “Rus” dhe në zonat përreth daton që prej vitit 1997. Përmes presionit dhe terrorit, tregtarët detyrohen t’u paguajnë një shumë që shkon deri në 50 mijë lekë të vjetra në muaj grupit të të fortëve, në mënyrë që të mos kenë probleme.
Ilir Kulla u përfshi në një atentat me bombë në janar të këtij viti në qytetin e Shkodrës, ku ai u plagos rëndë. Në momentet që flasim, për Kullën nuk kishte një urdhër arresti, ndërsa shkak për ndalimin është bërë pasaporta e rreme./Opinion.al
