Bosi i “Amazon”, Jeff Bezos, dhe bashkëshortja e tij, MacKenzie, u divorcuan pas një martese 25-vjeçare. Çifti e ka njoftuar lëvizjen në një deklaratë të përbashkët, në Twitter.
“Ne ndihemi pafundësisht me fat që kemi gjetur njëri-tjetrin dhe thellësisht mirënjohës për të gjithë kohën që kemi qëndruar bashkë”, thuhej në deklaratën e çiftit. “Nëse do ta dinim se do të ndaheshim pas 25 vitesh, sërish do të bënim të njëjtën gjë. Kemi pasur një jetë të mrekullueshme si një çift i martuar, e shohim po ashtu një të ardhme të mrekullueshme përpara si prindër, miq, partnerë në sipërmarrje e projekte, dhe si individë. Edhe pse mbiemrat mund të jenë të ndryshëm, ne mbetemi një familje, mbetemi miq të mirë”, tha çifti në një deklaratë.
Çifti ka 4 fëmijë, një prej tyre i adoptuar. “Amazon” është vlerësuar se kapi shifrën e 797 miliardë dollarëve, të hënën, me një rritje prej 3.4 për qind, duke lënë pas “Microsoft”-in, që vlerësohet me 789 miliardë dollarë. Gjithsesi e shoqja nga divorci perfitoi plot 70 milione dollare.
Por një ditë pas kësaj deklarate, “Daily Mail” ka mësuar se prej 8 muajsh Jeff Bezos ishte në një lidhje me prezantuesen e FOX Lauren Sanchez, dhe ajo e martuar.
Por teksa Jeff Bezos ka deklaruar për “Daily Mail”, se gruaja e tij ishte në dijeni të tradhtisë bashkëshortore, s’mund të thuhet e njëjta gjë për burrin e prezantueses së FOX.
Themelues i kompanisë Jeff Bezos, 54 vjeç, është edhe njeriu më i pasur në botë, sipas indeksit të miliarderëve të “Bloomberg”, me një pasuri që vlerësohet të jetë rreth 137 miliardë dollarë, 45 miliardë më shumë sesa ajo e Bill Gates.
