Mund të quhen Botërori i skllevërve ai i Katarit që do të luhet në vitin 2022.
Katari është në fazë intensive të ndërtimit të 8 stadiumeve.
Një raport i fundit i “Amnesty International”, denoncon shfrytëzimin ekstrem të punëtorëve që po ndërtojnë këto impiante
Sipas statistikave zyrtare janë 25 mijë punëtorë të huaj të impenjuar për ndërtimin e 8 stadiumeve.
Por jo zyrtarisht, ky numër është shumë më i madh.
Emigrantë nga Nepali, India, Bangladeshi, Filipinet dhe Kina punojnë në kushte ekstreme.
Ata jetojnë në dhoma të improvizuara në kapanone dhe me kushte çnjerëzore, çka është kthyer në temë diskutimi.
Qeveria e futbollit botëror hodhi poshtë mungesën e pagesave prej disa muajsh për emigrantët e varfër që janë impenjuar prej muajsh në projektet infrastrukturore.
Por faktet në terren, tregojnë se gadishulli arab i pasur me naftë, po kthehet në vendin e skllavërisë së kohëve moderne.
Këto probleme i shtohen edhe kushteve të sigurisë në punë që lënë shumë për të dëshiruar, dhe për shkak të të cilave nuk kanë munguar incidentet në të kaluarën.
