Aktualitet

Kush nga kandidatët e PD-së në primaret e Tiranës është më i fortë? Ja si përgjigjet Meta



Bëhu pjesë e Grupit Zyrtar të Opinion.al
>> KËTU <<
               Publikuar në : 12:36 - 08/11/22 |
Opi Nion

Kreu i Partisë së Lirisë, Ilir Meta në një konferencë për mediat ditën e sotme ka komentuar prcesin e primareve të Partisë Demokratike për Bashkinë e Tiranës.

Meta u shpreh se të shatë demokratët që kanë paraqitur kandidaturat e tyre në primaret e PD-së i sheh si të fortë, ndërsa theksoi dhe njëherë se cilido që zgjidhet do të ketë mbështetjen e Partisë së Lirisë. Po ashtu, kreu i PL-së tha se situata në kryeqytet është pozitive për opozitën, ndërsa u kërkoi demokratëve që të përqendrohen tek programi i tyre.

“Secilin prej tyre e shoh më të fortë, ai që do të përzgjidhet nga ky proces, cilido që zgjidhet do ketë përkrahjen tonë të PL, Situata në Tiranë është katastrofike, mungesë transparence, llogaridhënie zero, përveç arrogancës, situata është pozitive për opozitën, të përqendrohen tek programi i tyre, për ti kthyer Tiranën qytetarëve”, tha Meta.

Kujtojmë se 7 kandidaturat që do të garojnë në primaret e Partisë Demokratike për Bashkinë Tiranë janë Belind Këlliçi, Gert Bogdani, Ilir Alimehmeti, Adriana Kalaja, Enkelejda Fejzo, Fatmir Merkoçi dhe Jul Deda./Opinion.al

Pas