Vjollca Hoxholli nuk është një emër i panjohur për organet e drejtësisë por as për median.
Policia njoftoi sot arrestimin e saj pasi ka mashtruar një person duke i marr plot 318 mijë euro.
Vjollca Hoxholli është administratore e kompanisë së ndërtimit Hoxholli Sh.p.k. bashkëshorte e Rrapush Hoxhollit gjithashtu i dënuar për mashtrim me apartamentet.
Çfarë bën ky çift? Prej vitesh ndërton pallate dhe e shet te njëjtën hyrje tek 2-3 persona të ndryshëm, duke përfituar miliona përmes mashtrimit.
Në njoftimin e policisë thuhet se : Hoxholli prej vitit 2007 kryen funksionin e administratores dhe në këtë periudhë kohore dyshohet se me anë të mashtrimit ka premtuar shitjen e katër apartamenteve tek Unaza e Re (rruga “Teodor Keko”) shtetasit D. S., 56 vjeç, dhe pasi ka përvetësuar shumën prej 318 580 eurosh i ka shitur ato te shtetas të tjerë, më konkretisht, njërin prej tyre shtetasit E. M., 43 vjeç, banues në Tiranë.
Ajo akuzohet për “Fshehje e të ardhurave”, “Mashtrim” dhe “Fallsifkim i dokumentave (kontrata).
Siç shihet përmes një kërkimi të thjeshtë në google, Vjollca Hoxholli është paditur dhe është hetuar edhe herë të tjera për të njëjtin veprim: Mashtrim të klienteve me apartamentet. Po kështu edhe bashkëshorti i saj, biznesmeni Rrapush Hoxholli është nëpër gjyqe për mashtrime në Tiranë e Durrës. /Opinion.al
