Kush është ‘Doktor K’ që grabiste shtëpitë luksoze

Një shqiptar i specializuar në vjedhjen e shtëpive luksoze ka rënë sot në prangat e policisë italiane.

Klodian Nikolli ose siç quhet ndryshe nga mediat italiane, “Doktor K” u arrestua pasi ishte arratisur njëherë nga arresti i shtëpisë.

27 vjeçari maskohej si një student i Universitetit Bocconi, madje deklaronte edhe se ishte i diplomuar, diplomë e cila më vonë rezultoi të ishte false.

Në muajin shkurt të 2018 ai u arrestua për herë të parë dhe ndaj tij ishte vënë masa ‘arrest shtëpie’, por arriti t’i zhdukej policisë italiane.

Në shtëpinë e tij u gjendën piktura të piktorëve të shekullit të 20-të, ora luksoze, bizhuteri me diamante, të cilat Doktor K i kishte vjedhur në shtëpitë në Milano./Opinion.al