Kryeministri i Kosovës, Albin Kurti ka reaguar pas stërvitjeve ushtarake që ka mbajtur ditën e sotme ushtria serbe në Batajnicë.
Në një postim të bërë në rrjete sociale, Kurti ka rikujtuar faktin se në Batajnicë janë fshehur trupat e 744 shqiptarëve të Kosovës të vrarë gjatë luftës, ku sipas tij 46 anëtarë ishin të familjes Berisha.
Kryeministri kosovar theksoi se në vend të ndërtimit të një memoriali për viktimat e luftës, Serbia po zhvillon stërvitje ushtarake.
Në fund të reagimit Kurti shtoi duke shprehur se trupat mund të fshihen, por e vërteta s’mund të varroset asnjëherë.
“Në një varr masiv në Batajnicë, u fshehën trupat e 744 shqiptarëve të Kosovës, përfshirë këtu. 46 anëtarë të familjes Berisha. Në vend të një memoriali për viktimat e luftës, Serbia po zhvillon atje stërvitje ushtarake për “Ditën e Forcave të Armatosura”. Trupat mund të fshihen, por e vërteta nuk mund të varroset”, ka shkruar kryeministri Albin Kurti./Opinion.al
In a mass grave in Batajnica, the bodies of 744 Kosova Albanians were hidden, incl. 46 members of the Berisha family. Instead of a memorial to war victims, Serbia is holding military exercises there for “Armed Forces Day”. Bodies can be hidden, but the truth cannot be buried.
— Albin Kurti (@albinkurti) April 22, 2023
