Nga Forumi Strategjik të Bledit në Slloveni, kryeministri i Kosovës, Albin Kurti, u shpreh se vendi që ai drejton po punon fort me pesë vendet që ende nuk e njohin, ndërsa shtoi se atmosfera me këto vende është e mirë.
“Ne po punojmë me pesë vendet që nuk na njohin dhe atmosfera në këto vende është më e mirë. 6 vendet e Ballkanit Perëndimor ne mund të themi që BE është një lloj feje ateiste, nuk mund të them që është mirë apo keq. Me vendet e tjera, me Brukselin, në këtë aspekt është nxitja për t’u bërë sovranist, por mbi bazën e vlerave, politika na integron të gjithëve. Në Kosovë unë kam shtuar buxhetin e këtij viti për shëndetësinë, arsimin, bujqësinë dhe mbrojtjen dhe presim që të bëhemi anëtarë e Këshillit të Evropës dhe e rëndësishme është të mbyllen kjo pjesa e njohjeve të ndërsjellta. Kjo është diçka që zgjidhet dhe po ashtu është me rëndësi mbrojtja e të drejtave të minoriteteve dhe brenda pak viteve ne mund të bëhemi pjesë e BE-së”,-tha , Albin Kurti
Ndërkohë, duke folur për situatën në veri të Kosovës, referuar tensioneve të fundit të shënuara pas emërimit të kryetarëve shqiptarë në krye të tyre, Kryeministri Kurti tha se në zonë prej disa kohësh nuk ka pasur asnjë tension, ndërsa tha se është ulur dyfish prania e Policisë së Kosovës në ndërtesat e bashkive.
“Në zonë nuk ka pasur më tensione, ne kemi ulur dyfish praninë e Policisë së Kosovës në ndërtesat e bashkive dhe mezi pres të kem zgjedhjet në këto bashki dhe uroj të kemi një fushatë të hapur për zgjedhje të lira e të ndershme. Ne si qeveri jemi aty që të sigurojmë të drejta të barabarta për të gjithë. Në Kosovë njerëzit paguajnë më shumë taksa dhe kjo tregon besueshmërinë e njerëzve te institucionet shtetërore”,-deklaroi Kurti./ Opinion.al
