18-vjeçarja, Marigona Osmanit, është përcjellë ditën e sotme për në banesën e fundit.
I pranishëm në ceremoninë mortore ishte edhe kryeministri Albin Kurti. Në një prononcim për mediat ai ka thënë se jeta e një vajze 18-vjeçare u shua me një vrasje mizore dhe që ajo të prehet në paqe duhet të bëhet drejtësi.
“Jeta e një vajze të re është këputur nga një vrasje mizore. I dyshuari për vrasjen është arrestuar dhe duhet të ketë gjykim të drejtë dhe dënim të merituar. Bëhet fjalë për një të dyshuar që ka precedentë penal edhe për vepra tjera. Kjo tregon se sa shumë punë të tjera kemi përpara që ta drejtojmë sistemin e drejtësisë. Qeveria jonë prej fillimit ka marrë iniciativën për infrastrukturë ligjore që kurrë të mos përsëriten këto raste”, ka thënë ai.
Kurti ka thënë se është shtuar numri i grave e i vajzave që kanë raportuar për dhunë në familje.
