Kronika e mëposhtme e transmetuar në emisionin “Opinion”, tregon momentet kur Madeleine Albright, gruaja e parë Sekretare e Shtetit Amerikan vizitonte Shqipërinë në vitin 2000.
Diplomatja ka patur një rol të rëndësishëm në çështjen e Kosovës dhe kujtohet për qëndrimin e saj pozitiv ndaj vendit tonë.
Madeleine Albright u nda nga jeta në moshën 84-vjeçare. Ajo ishte një figurë qendrore në administratën e Presidentit Bill Clinton, së pari shërbeu si ambasadore e SHBA në Kombet e Bashkuara përpara se të bëhej diplomatja më e lartë e vendit në mandatin e dytë. Albright mbrojti zgjerimin e NATO-s, nxiti që aleanca të ndërhynte në Ballkan për të ndaluar gjenocidin dhe spastrimin etnik, u përpoq të reduktonte përhapjen e armëve bërthamore dhe mbrojti të drejtat e njeriut dhe demokracinë në të gjithë globin./Opinion.al
