Përveç sanksioneve ekonomike dhe politike, Rusia po refuzohet dhe nga aktivitetet sportive për shkak të sulmeve ushtarake ndaj Ukrainës.
Polonia ka refuzuar të luajë “play-off-in” e Kupës së Botës më 2022 me Rusinë, e cila ishte parashikuar në Moskë, më 24 mars.
“BBC” njofton se Polonia është tërhequr nga kjo sfidë, për shkak të pushtimit të Ukrainës nga Rusia. Lajmin e ka dhënë Presidenti i Federatës Polake të Futbollit, Cezary Kulesz, i cili është shprehur këtë të shtunë se “Nuk ka më fjalë, është koha për të vepruar”.
Cezary Kulesz tha se Polonia ka zhvilluar bisedime me Federatat e Futbollit të Çekisë dhe Suedisë për t’i paraqitur një qëndrim të përbashkët organit qeverisës botëror, FIFA-s.
