Policia e Vlorës ka shpallur në kërkim ditën e sotme tre shtetas, pasi kundërshtuan me forcë punonjësit e Policisë gjatë kryerjes së detyrës.
Sipas njoftimit, efektivët do u kryenin kontrolle për të parë nëse ishin posedues të lëndëve narkotike, por tre personat kanë kundërshtuar me forcë dhe janë larguar.
Njoftimi i policisë:
Vlorë/ Kundërshtuan me forcë punonjësit e policisë, identifikohen dhe shpallen në kërkim 3 shtetas, banues në Itali.
Më datë 02.09.2024, shërbimet e Seksionit për Hetimin e Narkotikëve të DVP Vlorë, në vazhdën e kontrolleve për goditjen e rasteve të shitjes së lëndëve narkotike, kryesisht në zonat bregdetare, kanë ushtruar kontroll në vendin e quajtur “Plazhi i Delisufit”, Vlorë. Gjatë kryerjes së detyrës, punonjësit e Policisë janë kundërshtuar me forcë nga shtetasit:
– I. D., shtetas shqiptar, banues në Itali;
– M. B., shtetas maroken, banues në Itali;
– M. M., shtetas italian, banues në Itali.
Policia, në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Vlorë, po punon për identifikimin e shtetasve të tjerë të përfshirë në këtë rast, si dhe për kapjen e 3 shtetasve të shpallur në kërkim.
Materialet procedurale i kaluan Prokurorisë, për veprime të mëtejshme.
