Ministrja e Turizmit dhe Mjedisit Mirela Kumbaro ka zhvilluar një intervistë me një nga gazetarët e medias së njohur italiane “La Repubblica”, e cila ka folur rreth turizmit shqiptar si dhe tregoi synimet për ta bërë Shqipërinë destinacionin kryesor të të huajve për të pushuar.
Gjatë intervistës Kumbaro thotë se turizmi në Shqipëri nukf okusohet vetëm në bregdet por në të gjithë vendin.
Ajo thekson se qeveria dhe politika synojnë të zgjerojnë aktivitetin agroturistik, në mënyrë që fermerët jo vetëm të prodhojnë, por t’i transformojnë produktet e tyre në një art të mikpritjes.
“Zhvillimi i turizmit shqiptar nuk do të fokusohet vetëm në bregdet, por në të gjithë vendin dhe gjatë gjithë vitit. Kjo është arsyeja pse ne jemi angazhuar në rritjen e sipërfaqes së zonave të mbrojtura në 30% të territorit deri në vitin 2030. Gjithashtu, me stimuj nga ana e politikave shtetërore synojmë të zgjerojmë aktivitetin agroturistik, në mënyrë që fermerët jo vetëm të prodhojnë, por t’i transformojnë produktet e tyre në një art të mikpritjes. Kjo është receta jonë për të menaxhuar flukset.”
Përsa i përket promovimit mediatik të vendit tonë, Kumbaro thotë se ministrisë që ajo drejton nuk i është dashur të shpenzojë për këtë pjesë, pasi e kanë realizuar mjaft mrë blogerët, festivalet verore dhe eventet.
“Ministrisë sonë nuk i është dashur të shpenzojë asnjë cent për promovim mediatik. Është meritë e blogerëve, festivaleve verore dhe eventeve, disa me rëndësi historike si p.sh shpallja e lumit Vjosa si Parku i Parë Kombëtar i një lumi të egër në Evropë. Këta kanë promovuesit tanë më të mirë. Mendoj se ky është marketingu më i mirë dhe më i qëndrueshëm”.
