TIRANË- Dy deputetët e Parlamentit Europian Eduard Kukan dhe Knut Flenkenstein kanë mbërritur sot në Tiranë, ku janë pritur fillimisht nga ambasadorja e BE në Tiranë, Romana Vlahutin. Ata u pyetën nga gazetarët për Byronë e hetimit dhe reformën në drejtësi.
“Byroja duhet të jetë e pavarur politikisht”, tha Flenkenstein. Ndërsa për reformën tha se jemi duke pritur rekomandimet e Venecias.
Sipas axhendës zyrtare, eurodeputetët do të takojnë në orën 14: 45 kryeministrin Edi Rama, në 15: 30 takimi me kryetarin e Kuvendit Ilir Meta e më pas me liderin e opozitës Lulzim Basha.
Rreth orës 16:15 do të mbahet konferenca e përbashkët për shtyp mes rapotuesit për Shqipërinë në Parlamentin Europian, Knut Fleckenstein me kreun e Kuvendit Ilir Meta.
