Të gjithë njerëzit e përjetojnë ndjenjën e vetmisë në momente të caktuara. Psikologët shprehen se vitet e fundit kjo ndjenjë është shtuar shumë të njerëzit së bashku me pasiguritë. Frika nga vetmia mund ti shkaktojë njerëzve probleme madhore me shëndetin. Izolimi social dhe vetmia, mund të jetë shkaktar i një vdekjeje të parakohshme dhe kjo është bërë shumë shqetësuese.
Raporti i vetëvrasjeve është rritur ndjeshëm nga viti në vit, dhe psikologët kanë ngritur alarmin. Shkak kryesor duket të jetë mënyra shumë intensive e jetesës e cila bën që njerëzit të jenë më vetmitarë, më të izoluar apo edhe më të ftohtë. Vetmia klasifikohet si një prej shkaktarëve kryesor të depresionit dhe vetëvrasjeve.
