Bota

Kuba prodhon vaksinën kundër Covid, rezultat pozitiv nga testimi i parë


Bëhu pjesë e Grupit Zyrtar të Opinion.al
>> KËTU <<
               Publikuar në : 15:46 - 20/06/21 |
Opi Nion

Kandidati kuban për vaksinën e koronavirusit, Soberana 2, tregoi 62% efikasitet për vetëm dy nga tre dozat e saj, tha kompania farmaceutike publike BioCubaFarma, duke cituar të dhëna paraprake nga provat klinike përfundimtare.

Kuba, industria e bioteknologjisë e së cilës ka eksportuar vaksina për dekada, ka pesë vaksina kandidate në provat klinike, dy prej të cilave – Soberana 2 dhe Abdala – janë në provat klinike përfundimtare.

“Për disa javë pritet të kemi rezultatet e efektivitetit të tre dozave, të cilat ne presim të jenë më superiore”, tha Vicente Verez, drejtor i Institutit Shtetëror të Vaksinave Finlay, i cili zhvilloi Soberana 2.

Lajmi vjen ndërsa ishulli i Karaibeve përballet me shpërthimin më të keq që nga fillimi i pandemisë pas mbërritjes së varianteve më ngjitëse të koronavirusit të ri, duke çuar në rekorde të rasteve të reja ditore.

Vendi komunist nuk zgjodhi të fuste vaksina të huaja por të mbështetej te vetja. Ekspertët theksojnë se kjo zgjedhje është një bast i rrezikshëm, por nëse ja del, Kuba mund të forcojë reputacionin e saj shkencor dhe të forcojë monedhën përmes eksporteve, në një moment të nevojës së madhe globale për vaksinim.

Disa vende mes të cilave Argjentina, Xhamajka, Meksika dhe Venezuela kanë shprehur interes për blerjen e vaksinës kubane, ndërsa Irani nisi prodhimin e Soberana 2 në fillim të këtij viti, si pjesë e provave klinike./Opinion.al

Pas