Komisioneri Europian për Zgjerimin, Oliver Varhelyi, ka përshëndetur vendimin e mazhorancës dhe opozitës për tu ulur në tryezën e Këshillti Politik për të diskutuar mbi ndryshimet kushtetuese.
Në një status në Twitter, Varhelyi vlerëson mënyrën gjithëpërfshirëse që kanë zgjedhur palët por nënvizon se marrëveshja e 5 Qershorit duhet të ruhet e paprekur dhe të votohet si e tillë.
Ai thekson se “5 qershori” është kusht kyç për procesin e negociatave.
“Reforma Elektorale në Shqipëri: Gjë e mirë që Këshilli Politik do të diskutojë ndryshimet e propozuara në sistemin zgjedhor. Gjithëpërfshirja është rruga përpara për çështjet elektorale. Është shumë e rëndësishme që marrëveshja e 5 Qershorit të ruhet dhe votohet sepse ajo adreson një kusht kyç për negociatat e anëtarësimit në BE.”, shkruan Varhelyi. /Opinion.al
Electoral reform in #Albania: Good that Political Council will discuss proposed changes to electoral system. Inclusiveness is the way fwd on electoral matters. Crucial 5 June agreement is preserved&voted into law swiftly as it addresses a key condition for accession talks w #EU.
— Oliver Varhelyi (@OliverVarhelyi) July 17, 2020
