Pas kthimit për shqyrtim në parlament të buxhetit të vitit 2021 me argumentin se nuk i përgjigjej nevojave emergjente që po shkakton pandemia, Presidenti Ilir Meta këtë herë është ndalur tek papunësia.
Në një postim në rrjetet sociale, Meta shprehet se papunësia në vend u rrit dhe 50 mijë persona janë të papunë në 3-mujorin e dytë të vitit 2020.
“Mbi 50,000 qytetarë HUMBËN vendet e punës dhe PAPUNËSIA nga 11.2%, U RRIT në 11.9%, deri në 3-mujorin e dytë të vitit 2020. Buxheti 2021 NUK KA objektiv MBROJTJEN e VENDEVE TË PUNËS dhe RRITJEN E PUNËSIMIT”, shkruan presidenti në rrjetet sociale.
Një ditë më parë presidenti po me anë të një postimi do të deklaronte se “Niveli i varfërisë është THELLUAR. 420 340 pensionistë urbanë jetojnë me 5.35 USD/ditë 263 568 persona në familje me ndihmë ekonomike përfitojnë 0.36 USD/ditë”./ Opinion.al
