Kryesia e PD që drejtohet nga Lulzim Basha ka përjashtuar nga partia Gazment Bardhin.
Burime për “Opinion.al”, bëjnë me dije se vendimi është marrë ditën e sotme edhe pse një mbledhje e tillë nuk është bërë e ditur për mediat.
Sipas kryesisë së Bashës, Bardhi ka ndjekur agjendë personale duke bashkëpunuar me Sali Berishën.
“Vendimi i Kryesisë së PD erdhi pas shkeljeve të njëpasnjëshme të kryera nga ish-sekretari i Përgjithshëm ndaj vendimeve të organeve kolegjale të PD, shumë prej të cilave janë votuar dhe janë nënshkruar prej tij si dhe për veprime në kundërshtim me interesat politike dhe elektorale të PD, për mosnjohjen e institucioneve të dala nga vota e demokratëve. Po ashtu dhe për ndjekjen e një agjende personale, përmes të cilës kërkon të zhvendosë PD nga orientimi i përcaktuar nga Kuvendi dhe Këshilli Kombëtar, në raport me aleatët strategjikë dhe bashkëpunimin me individët e sanksionuar si non grata, që kanë ndërmarrë një aksion dy vjeçar kundër Partisë Demokratike.”, thuhet në argumentet e parashtruara nga Kryesia e PD-së.
