Drejtori i Policisë së Shtetit Haki Çako u ka bërë kritika të forta policëve, madje u ka tërhequr vërejtje dhe për personat me të cilët zgjedhin të shoqërohen.
“Boll u shoqëruat me kriminelë!”, mësohet se Çako ka thënë në një takim me sektorin e hetimit të krimit në të gjithë Shqipërinë. Çako u ka thënë të pranishmëve se nëse kanë lidhje shoqërore apo familjare me persona të inkriminuar do pezullohen.
Madje dhe nëse rezulton se në zonën e tyre do të mbillet hashash, ata do të pezullohen. Deklarata vjen pak ditë pasi në zemër të kryeqytetit në një lokal shumë të frekuentuar u vra një person me precedent penal, që ne momentin e ekzekutimit ndodhej në shoqërinë e një polici, një mjeku dhe të një gazetari.
Burimi: News24
