Kryeministrja e Italisë, Giorgia Meloni ka konfirmuar ndarjen nga partneri i saj prej dhjetë vitesh Andrea Giambrunon.
Meloni e bëri të ditur këtë fakt në një postim në rrjetet sociale. Prej dhjetë vitesh ajo ka qenë në një lidhje romantike me gazetarin e Mediaset, Andrea Giambrunon me të cilin ka edhe një vajzë.
Përveçse ka konfirmuar lajmin se historia e tyre e dashurisë ka përfunduar, kryeministrja e Italisë e ka falenderuar partnerin e saj për vitet e kaluara së bashku.
Ajo gjithashtu ka dhënë një mesazh për kundërshtarët e saj politik.
“Marrëdhënia ime me Andrea Giambrunon, e cila zgjati gati dhjetë vjet, përfundon këtu. E falënderoj për vitet e mrekullueshme që kaluam së bashku, për vështirësitë që kaluam dhe që më dha gjënë më të rëndësishme në jetën time, që është vajza jonë Ginevra. Rrugët tona kanë kohë që kanë marrë drejtime të ndryshme dhe tashmë ka ardhur koha ta pranojmë atë.
Unë do ta mbroj atë që ishim, do ta mbroj miqësinë tonë dhe do të mbroj me çdo kusht, një vajzë shtatëvjeçare që e do nënën e saj dhe e do babanë e saj, ashtu siç nuk munda të dua unë timin. Nuk kam asgjë tjetër për të thënë për këtë.
- Të gjithë ata që shpresonin të më dobësonin duke më goditur në shtëpi, duhet ta dinë se sado që pika shpreson të nxjerrë gurin, guri mbetet gur dhe pika është vetëm një pikë ujë”, shkruan Meloni./Opinion.al
