Teksa këtë të dielë shënohen 4 vite nga tërmeti tragjik i 26 nëntorit 2019, Kryeministri Edi Rama ka kujtuar këtë moment të vështirë në historinë e Shqipërisë, ku humbën jetën 51 persona dhe u plagosën qindra të tjerë.
Nëpërmjet një postimi të bërë në Facebook, kreu i qeverisë ka treguar nëpërmjet fotove, indërtimin e disa lagjeve të Thumanës, një prej zonave pothuajse të shkatërruara totalisht nga tërmeti.
Sjellim në vëmendje se procesi i rindërtimit ende nuk ka përfunduar. Nga buxheti i vitit të ardhshëm janë përcaktuar afro 12 miliardë lekë me synim avancimin dhe përmbylljen sa më të shpejtë të këtij procesi.
