Kryeministri Edi Rama, sonte, në studion e emisionit ‘Zonë e Lirë’ në TV Klan është përballur me një intervistë të veçantë në lidhje me idenë e trumpetuar në publik, se shumë emra dhe emisione të njohura në media janë pjesë e katundit dhe kazanit mediatik.
Ndërsa figura të njohura të ekranit mediatik shfaqeshin në ekran, kryeministri Rama, është ‘detyruar’ nga drejtuesi i emisionit Arian Çani të japë një mendim rreth tyre.
Disa nga emrat e njohur të ekranit që u komentuan nëse janë apo jo kazan mediatik, ishin drejtuesi i emisionit “Opinion” në TV Klan, Blendi Fevziu, drejtuesi i emisionit të “Paekspozuarit” në News24, Ylli Rakipi, drejtuesja e emisionit “Studio e Hapur” në News24, Eni Vasili, por edhe emra të tjerë të njohur të medias, si: Henri Çili, Andi Tela, Mustafa Nano, Robert Rakipllari, Lorenc Vangjeli etj.
Madje, pjesës së komentit të shprehur nga kryeministri Edi Rama, nuk mund t’i shpëtonte as drejtuesi i këtij emisioni Arian Çani.
