Kryeministri Boris Xhonson po “përmirësohet” pas dy netësh në kujdes intensiv me koronavirusin, ka thënë ministri britanik i financave (kancelari) Rishi Sunak.
Ai tha se Xhonson tani mund të qëndronte “ulur në shtrat dhe i ishte përgjigjuar pozitivisht ekipit mjekësor”.
Xhonson, i cili testoi pozitiv gati dy javë më parë, u shtrua në spital të dielën në mbrëmje me temperaturë të lartë dhe kollë të vazhdueshme por gjendja e tij u përkeqësua dhe ai u dërgua me nxitim në kujdes intensiv.
Udhëheqësi britanik 55-vjeçar është vënë në oksigjen por jo në respirator. Zëvendësi i caktuar prej tij, Sekretari i Jashtëm Dominik Rab, tha se Xhonson do të kthehet së shpejti në krye të punëve.
Zyra e Kryeministrit tha se zoti Johnson nuk po punon, por është në gjendje të kontaktojë me njerëz nëse është e nevojshme.
Presidenti Donald Trump ka thënë se ka ofruar ndihmë për shërimin e kryeministrit britanik. Ai tha të hënën se u kishte kërkuar disa prej kompanive kryesore amerikane që “të kontaktonin menjëherë Londrën”. /Opinion.al
