Kryetarja e Lëvizjes Socialiste për Integrim, Monika Kryemadhi në një takim me krerët e LSI-së në rrethe ka vijuar me akuzat ndaj kryeministrit Edi Rama dhe lidhjet e tij me drogën e krimin.
Sipas Kryemadhit, qeveria e sotme interesohet vetëm për një grup oligarkësh, që janë klientë të qeverisë.
Më tej, ajo theksoi se Rama është tallur me lodhjen e mërzitjen e popullit për Reformën në Drejtësi, dhe u shpreh se i vetmi plan i kreut të qeverisë ka qenë ta zaptojë atë.
“Reagimi i PS reagim hipokrit, ata janë tallur me lodhjen e mërzitjen e popullit për Reformën e Drejtësisë. Ata kanë pasur plan për zaptimin e saj. Të premtjen tjetër do mbledhim Konventën Kombëtare, jemi të vendosur për axhendën tonë opozitare. Shqiptarët meritojnë një program më të mirë kundër varfërisë e problemet sociale që shkatërrojnë familjen shqiptare,” tha Kryemadhi.
Kryetarja e LSI e mbylli me një fjalë të urtë mbledhjen e grupit duke thënë “Djalli mbizotëron atëherë kur njerëzit e mirë heshtin e nuk bëjnë asgjë”, duke i bërë kështu thirrje të gjithë intelektualëve të kontribuojnë në të mirë të vendit.
“Qeveria e sotme interesohet vetëm për një grup oligarkësh, që janë klientë të qeverisë. Kurse ne me politikat tona tentojmë që qeveria të mendojë për popullin. Qeveria e quan varfërinë sëmundje, drogën ilaç
Për t’ja dalë në këtë betejë që nuk është e. LSI do jetë krahëhapur për mendim intelektual, të ekspertëve që duhet të angazhohen në politike aktive, dhe që të mos mbahen mend për sjellje apatike” u shpreh Kryemadhi.
