Kryeministri Edi Rama vendosi t’a mbrojë ish-ministrin e Brendshëm, Saimir Tahirin, pasi ky i fundit e kërcënoi atë.
Lajmi është publikuar nga kryetarja e LSI-së, Monika Kryemadhi në emisionin “Kolaudim” në INTV, e cila theksoi se kryeministri Rama është peng i frikës së tij.
Sipas saj, Tahiri i ka thënë; po më lëshove, do të lëshoj.
Në lidhje me krahasimin e arrestimit të Fatos Nanos me kërkesën e Prokurorisë për arrestimin e Tahirit, Kryemadhi deklaron se nuk ka aspak lidhje.
“E para, është e njëjta skemë që ka filluar që nga momenti që u ngrit komisioni i Mandateve, Rama është peng i frikës së tij, Tahiri i tha po më lëshove do të lëshoj. Ata kanë gëlltitur aq shumë lugë çorbë të prishur sa që nuk dinë të dalin nga atje ku janë futur.
Në nuk mund të bëjmë hamendësime, gjërat do të kenë zhvillime më të mëdha, dhe ata që janë dëshmitarë të gjithë kësaj janë shqiptarët. Çdo gjë që bëhet tani është për agoni, njësoj si të mbash një person të rënë në koma. Problemi nuk është të Tahiri, është një problem që ka kapur të gjitha institucionet e vendit”,- deklaroi kryetarja e LSI-së.
Kryetarja e LSI-së, tha se ka një ndryshim të madh mes arrestimit të Fatos Nanos dhe kërkesës për arrestimin e Saimir Tahirit.
“Nano u arrestua për amita kurse Tahiri për kanabis”, -u shpreh ajo.
