Kreu i Lëvizjes Socialiste për Integrim, Monika Kryemadhi, të shtunën, përshëndeti protestën e opozitës, duke shprehur një falendërim për të gjithë pjesëmarrësit në protestë.
Në një dalje për mediat nga selia e LSI-së, Kryemadhi tha se Rama tashmë është vetëm, pasi e kanë braktisur edhe ministrat dhe drejtorët e tij.
Kryemadhi: Falenderoj të gjithë qytetarët që ishin atje, por jo vertëm ata, por edhe ata që nuk morën pjesë që e ndoqën nga shtëpitë apo avendet e punës që nuk u lejuan të marrin pjesë.
Dita e sotme ishte një protestë qytetare për të treguar që kjo është një opozitë e bashkuar dhe qytetare që e bashkon vendin me BE dhe është vetëm qeveria e krimit dhe drogës e Edi Ramës që largon Shqipërinë nga BE.
Sot falenderoj ata policë të cilët kryen detyrën me ndershmëri, por dua të dënoj edhe ata që dhunuan kryeredaktorin e RD dhe i bëj thirrje Prokurorise që të dënojnë dhunuesit e gazetarëve dhe për të dënuar cdo polic apo segment të krimit që ve dorë mbi gazetaret.
Rama të dalë nga tuneli i krimit ku ka hyrë, të tërhiqet, të largohet sepse tashmë është vetëm. Shqiptarët e kanë lënë vetëm ministrat dhe drejtorët e kanë lënë vetëm. Nuk ka zgjidhje tjetër ta largohet për t’i dhënë mundësi Shqipërisë për tu hapur negociatat.
Koha e tij mbaroi, tani ai është kthyer në një send të vjetër, por pa vlerë, është kthyer në një mbulesë për të mbuluar kallçukun e kryeministrise.
