Kryetarja e LSI, Monika Kryemadhi ka treguar nga studio e emisionit “Opinion” debatet brenda opozitës për vendimin në lidhje me djegien e mandateve. Zonja Kryemadhi pranoi se mes LSI-së dhe PD-së ka patur debate të forta për këtë vendim, por pasi mbetën pas një rrugëzgjidhje institucionale në betejën me qeverinë pranuan këtë vendim.
“Ideja e djegies së mandateve për herë të parë është artikuluar nga zoti Berisha. Më pas është mbajtur si rritëm nga analistët dhe nga mediat. Për hir të së vërtetës kemi pasur shumë debate midis LSI-së dhe PD-së për djegien e mandateve. Dhe erdhëm në momentin që ramë dakord të dyja palët pasi ne konsumuam çdo element institucional”, tha zonja Kryemadhi.
Në lidhje me kritika e eurodeputetëve që erdhën në Tiranë, kryetarja e LSI-së deklaroi:
“Zotrinjtë të cilët kanë qenë iu ka mbaruar mandati i tyre, hyjnë në një proces zgjedhor tjetër. Nuk e dimë nëse do të rikandidojnë më. Procesi integrim i Shqipërisë, tashmë nuk është më në dorë të Komisionit Europian është në dorë të parlamenteve të vendeve anëtare”. /G.F Opinion.al
