Kritiku i Kremlinit Alexei Navalny rrezikon të dënohet edhe me 13 vite të tjera burg. Prokurorët rusë i kërkuan gjykatës që ta transferojnë Navalny në një burg të sigurisë maksimale. 45-vjeçari do të përballet me akuza të reja për mashtrim, raporton AFP.
Navalny, kritiku më i zëshëm i Vladimir Putinit në Rusi, u burgos vitin e kaluar pasi i mbijetoi një sulmi me helm për të cilin ai fajëson Kremlinin.
Agjencitë ruse të lajmeve shkruajnë se Prokurorja Nadezhda Tikhonova ka thënë:
Kërkoj që Navalny të dënohet me 13 vite burg dhe dy vite më pas të jetë në provë. Nuk ishte menjëherë e qartë nëse 13 vitet përfshijnë dënimin prej dy vjet e gjysmë që ai po vuan në një kamp burgu në lindje të Moskës për shkelje të lirimit me kusht.
Prokurori kërkoi gjithashtu që Navalny të paguante një gjobë prej 1.2 milion rubla (8,250 £).
